7 މޭއި 2010 ވީ ހުކުރު ދުވަހުގެ ރޭ އަލިމަސްކާނިވަލުގެ ސްޓޭޖްގައި ފަޟީލަތުއްޝައިޚް އިލްޔާސް ޙުސައިން ދެއްވި ދީނީ ދަރުސްގެ ވީޑިއޯ. މި ދަރުސް ވަނީ ޓީވީއެމާއި ރޭޑިއޯ އެޓޯލްއިން ލައިވްކާސްޓު ކޮށްފައެވެ. މި ދަރުސް އަޑުއެހުމަށް ގިނަޢަދަދެއްގެ މީހުން އެއްވި.

[ލޮބުވެތި ރަސޫލާ ޞައްލަﷲ ޢަލައިހި ވަސައްލަމް އާއެކު] މި ޕްރޮގްރާމްގެ ދެވަނަ އެޕިސޯޑް. މި އެޕިސޯޑުގައި ވަނީ ޢަރަބިންގެ އަޞްލާއި ޢަރަބި ކަރައަށް ޝިރުކު ތަޢާރަފް ވެގެން ދިޔަ ގޮތުގެ ވާހަކައެވެ. ﷲ އިރާދަ ކުރެއްވިއްޔާ ކައިރި މުސްތަޤްބަލެއްގައި ތިންވަނަ އެޕިސޯޑް އަޕްލޯޑު ކުރެވޭނެއެވެ.

ވެލެންޓައިންސް ޑޭ ގެ އަސްލާއި އޭގެ ތާރީޚް އަދި އެދުވަސް ފާހަގަ ކުރުމުގެ ޙުކުމް. ދަރުސް ދެއްވީ: އައްޝައިޚް ނަޞްރުﷲ މުޞްޠަފާ

މިއީ 2010 ވަނަ އަހަރުގެ ފެބްރުއަރީ 05 ވަނަ ދުވަހު އިސްލާމީ މަރުކަޒުގައި ފަޟީލަތުއްޝައިޚް ޑރ. ޢަބްދުލްމަޖީދު ޢަބްދުލްބާރީ ދެއްވި ޚުޠުބާއެވެ. ޚުޠުބާގެ މައުޟޫއަކީ 'ސުލްޙަވެރި މުޖުތުމައެއް ބިނާކުރުން.' މިއެވެ. ޚުޠުބާގައި ސިޔާސީ ބައިބައިވުންތަކާއި ޚިލާފްތައް އެއްފަރާތްކޮށް ރަނގަޅު އެއްބައިވަންތަ މުޖުތަމައެއް ބިނާކުރުމަށް ގޮވާލެއްވިއެވެ.

މިއީ 29 ޖެނުއަރީ 2009 ވީ ހުކުރު ދުވަހުގެ ރޭ މާލޭ އަލިމަސް ކާނިވަލުގެ ސްޓޭޖްގައި ބޭއްވުނު ދީނީ ނަސޭހަތުގެ ޕްރޮގްރާމް ގައި ފަޟީލަތުއްޝައިޚް އިލްޔާސް ޙުސައިން ދެއްވި ދަރުސެވެ. ސުވަރުގޭގައި މަރުވުމެއް ނެތްކަމަށާއި މުސްކުޅިވުމެއް، ހިތާމައެއް، ބުރައެއް ނެތްކަމުގައާއި ސުވަރުގެ ހޯދުމަށް ވާދަ ނުކުރަންވީ ކީއްވެގެންތޯ ހާޒިރީންނަށް ސުވާލުކުރެއްވިއެވެ. މުސްލިމުންނަށް ދުނިޔެއަކީ ޖަލެއް ކަމުގައާއި ކާފަރުންނަށް މިދުނިޔެއަކީ ސުވަރުގެ ކަމަށްވެސް ޝެއިހްވަނީ ވިދާޅުވެފައެވެ.

15 ޖެނުއަރީ 2010 ވީ ހުކުރު ދުވަހު، މަސްޖިދުއްސުލްޠާން މުޙައްމަދު ތަކުރުފާނުލް އަޢުޡަމްގައި ދެވުނު ހުކުރު ޚުޠުބާގެ ރެކޯޑިންގ. އިމާމުވެވަޑައިގެން ހުކުރު ނަމާދު ކުރެއްވީ މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒް ފަޟީލަތުއްޝައިޚް މުޙައްމަދު ޝަހީމް ޢަލީ ސަޢީދެވެ. ޚުޠުބާގައި ބޮޑަށް އަލިއަޅުވާލައްވާފައިވަނީ ކޭތައާއި ބެހޭގޮތުންނެވެ.

15 ޖެނުއަރީ 2010 ވީ ހުކުރު ދުވަހު، ހުކުރު ނަމާދުގެ ކުރިން މަސްޖިދުއްސުލްޠާން މުޙައްމަދު ތަކުރުފާނުލް އަޢުޡަމްގައި ކުރެވުނު ކޭތަ ނަމާދުގެ ރެކޯޑިންގ. އިމާމުވެވަޑައިގެން ކޭތަ ނަމާދު ކުރެއްވީ މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒް ފަޟީލަތުއްޝައިޚް މުޙައްމަދު ޝަހީމް ޢަލީ ސަޢީދެވެ. މި ކޭތަ ނަމާދުގައި ވަރަށް ގިނައަދަދެއްގެ މީހުންވަނީ ބައިވެރިވެފައެވެ.

ކޭތަ ހިފާ ދުވަހު ޑިސްކޯތައް ބޭއްވުމާއި ޕާޓީ ބޭއްވުމާއި މަޖާނެގުން ފަދަ ކަންކަން ކުރުމަށް ބައެއް ފަރާތްރަކުންދަނީ ތައްޔާރުވަމުންނެވެ. ކޭތަ ހިފުމާއި ގުޅިގެން މަޖާނެގުމަކީ ކޮންކަހަލަ ކަމެއްހެއްޔެވެ؟ ދުނިޔެއަށް ދިމާވާ މިފަދަ ކަންތަކުގައި މުސްލިމުން ޢަމަލު ކުރަން ޖެހޭ ގޮތަކީ ކޮބައިތޯއެވެ؟ ދީނުގައި މިކަމަށް އޮތް އިރުޝާދަކީ ކޮބައިތޯއެވެ؟ ދީނީ ޢިލްމުވެރިންގެ ދުލުން އަޑުއައްސަވާށެވެ! ކީރިތި ޤުރްއާނުގައި ﷲ އަންގަވާފައިވަނީ، ނޭނގޭ ކަމުގައިވާނަމަ ދަންނަމީހުންކައިރިން އަހައި އޮޅުން ފިލުވުމަށެވެ.

2010 ވަނަ އަހަރުގެ ޖެނުއަރީ 01 ވަނަ ދުވަހު އިސްލާމީ މަރުކަޒުގައި ފަޟީލަތުއްޝައިޚް އިލްޔާސް ޙުސައިން ދެއްވި ހުކުރު ޚުޠުބާ. މިޚުތުބާގައި ޝައިޚް ވަނީ ހިޖުރީ އަދި މީލާދީ އަހަރެން ނިމި އާ އަހަރަކާއި ކުރިމަތިލާއިރު އަޅުގަނޑުމެންގެ އުޅުމާއިމެދު ވިސްނާލުމަށް ގޮވާލައްވާފައެވެ. އަދި އިސްލާހު ނުވާ މީހާ ހެޔޮ މަގަށް ރުޖޫއަވުމަށާއި އިސްލާހުވެފައިވާ މީހުން ދެމި ތިބުމަށް އެދިފައިވެއެވެ.

2009 ވަނަ އަހަރުގެ ޑިސެމްބަރ 25 ވަނަ ދުވަހު އިސްލާމީ މަރުކަޒުގައި ކުރެވުނު ހުކުރު ނަމާދުގައި ދެއްވި ޚުޠުބާ. މިނިސްޓަރ އޮފް ސްޓޭޓް ފޯ އިސްލާމިކް އެފެއާޒް، ފަޟީލަތުއްޝައިޚް މުޙައްމަދު ޝަހީމް ޢަލީ ސަޢީދު ވިދާޅުވި މި ޚުޠުބާގައި ނުކުޅެދުންތެރިކަމާ ކުރިމަތިލާފައިވާ ލޭއަޅާކުދިންނަށް އެހީވުމަށް ގޮވާލެއްވި. އަދި މުޙައްރަމް މަހުގެ މާތްކަމާއި ޢާޝޫރާ ދުވަހުގެ ރޯދައާމެދު ރައްކާތެރިވުމަށް ގޮވާލެއްވިއެވެ. އަދި ރަލުގެ ނުބައިކަމާއި ގެއްލުން ބަޔާން ކުރައްވައި އެއިން ދުރުވެ ރައްކާތެރިވެ ތިބުމަށް ބާރުއަޅުއްވައި ގޮވާލެއްވި.