ރީތީގެ މުބާރާތުގެ ސަބަބުން ﷲ އަށް އީމާންވެގެންތިބި ދިވެހި ލޮބޮވެތި އެތައް އަންހެން ދަރީންނެއްގެ ޙުރްމަތް ކެނޑިގެންދާނެއެވެ. އެކުދީންގެ އަބުރާއި ޢިއްޒަތް ގެއްލިގެންދާނެއެވެ. އެކުދިންގެ ނާޒުގެ ހަށިގަނޑާއި ރީތި ސޫރަތަކުން އިންސާނުންގެ ތެރެއިންވާ ޝައިޠާނުން ހިންހަމަޖެހުން ހޯދާނެއެވެ. މިފަދަކަމެއް ކުރުމަކީ ސުނާމީގެ މުޞީބާތަށްފަހު ﷲ އަށް ގޮންޖެހުންފަދަ ކަމެކެވެ.

މަސްތުވާތަކެތި ބޭނުންކުރުމާއި ވައްކަންކުރުމާއިޚިޔާނާތްތެރި ވުމާއި ރިޝްވަތު ކެއުމާއި ރިޝްވަތު ދިނުމާއި މީހުންނަށް އަނިޔާކުރުމާއި މީހުންގެ ޙައްޤުތަކަށް އަރައިގަތުމާއި ކަންކަމުގައި ޢަދުލުވެރި ނުވުމާއި މިފަދަ ބޮޑެތި ޖަރީމާތަށް ކުރުމުގެ އެންމެ އިސް ސަބަބަކީ ނަމާދު ނުކުރެމެވެ. އަޅާއާއި އޭނާގެ ވެރި ﷲ އާއި މެދު އޮންނަންވީ ރޫޙާނީ ގުޅުން ބަދަހިކޮށް ދަމަހައްޓަންވީ ގޮތައް ނުބެހެއްޓުމެވެ.

ފިރްޢައުނުގެ ވާހަކަ އަކީ ވަރަށް ގިނަ މީހުން ދަންނަ ވާހަކައެކެވެ. ނަމަވެސް އެވާހަކައިން ޢިބްރަތް ލިބިގަންނަނީ ވަރަށް މަދުބައެކެވެ. ކީރިތި ޤުރްއާނުގައި ފިރްޢައުނު ގެ ވާހަކަ ވަރަށް ގިނައިން އައިސްފައި ވެއެވެ، އޭގައި ވަރަށް ބޮޑު ޙިކްމަތެއްވާނެ ކަން ޔަޤީނެވެ. ވަކިން ޚާއްޞާކޮށް ފިރްޢައުނުގެ ވާހަކައިގައި ﷲ އެބައިމީހުންނަށް ވެރިކަން ދެއްވި މީހުންނަށް ވަރަށް ވެސް ގިނަ ގުނަ ޢިބްރަތްތަކެއް ވެއެވެ.

"ކަލޭގެފާނުންގެ ހިއްޕުޅުން، ކަލޭގެފާނުންގެ ސާހިބުވަންތަ ރަސްކަލާނގެ ހަނދުމަކުރައްވާށެވެ. ކިޔަމަންތެރިވެ ބިރުވެތި ވުމުގެ ގޮތުގައެވެ. ބަސްބުނުމުގެ ތެރެއިން އަޑުހަރުކުރުމަށްވުރެ މަޑުންނެވެ. ހެނދުނުގެ ވަގުތުތަކާއި، ހަވީރުގެ ވަގުތު ތަކުގައެވެ. އަދި ޣާފިލުވެގެންވާ މީހުންގެ ތެރެއިން ކަލޭގެފާނު ނުވާށެވެ!"

އެއް އިންސާނެއްގެ ގައިން ގުނަވަން ނަގައި އަނެއް އިންސާނެއްގެ ގައިގައި އިންދުމަކީ މިޒަމާނުގައި ފާޅުވެފައިވާ އާ ކަމެކެވެ. މިސާލަކަށް ދިރިހުރި މީހެއްގެ ކިޑްނީ، ނުވަތަ އެނޫންވެސް އެހެން ގުނަވަނެއް ނަގައި އެހެން މީހެއްގެ ގައިގައި އިންދައެވެ. މީގެ ދީނީ ޙުކުމަކީ ކޮބައިބާވައެވެ؟

އޭ ލަވަ އާއި މިއުޒިކުގެ ޣާފިލުކަމުގެ ދުނިޔޭގައި ޣަރަޤުވެގެންތިބި ލޮބުވެތި އަޚުންނާއި އުޚްތުންނޭވެ! ﷲ ގެ ޙަޟުރަތުން ގަދަފަދަ ވެގެންވާ ކޯފާއެއް އައުމުގެ ކުރީގައި ތައުބާވާށެވެ! އޭ ލަވަ ކިޔައި އެއީ ޙަލާލް އެއްޗެއްކަމުގެ ދޮގު ފަތުވާ ދީ، މީސްތަކުން ޣާފިލު ކުރުވާ މީހުންނޭވެ! ﷲގެ މި ވަޙީ ބަސްފުޅު ހަނދާން ކުރާށެވެ! ......

ހަރުމެންނަށް ޔަޤީން ކަމާއިއެކު އެނގެއެވެ. ހަމަކަށަވަރުން ﷲ ސުބްޙާނަހޫ ވަތަޢާލާ ގެ ފޮތާއި ރަސޫލުﷲ صلى الله عليه وسلم ގެ ސުންނަތުގައި ބަޔާންވެގެންވާ ކޮންމެކަމަކީ ޙައްޤެވެ.

އާޚިރަތް ވާނެކަމުގެ ޢަޤީދާއަކީ އަޅުގަނޑުމެންގެ ތެރެއިން އެކަކަށްވެސް ވަންހަނާވެގެން ނުވާނެ ފަދައިން އިސްލާމްދީނުގެ އަސާސީ ޢަޤީދާތަކުގެ ތެރެއިން އެއް ޢަޤީދާއެވެ.

ތިޔަބައިމީހުންގެ މައްޗަށް ތަހައްޖުދު ނަމާދު ކުރުންހުއްޓެވެ. މިހެނީ އެއީ ޞާލިޙު އަޅުންގެ އާދައެކެވެ.