ސުޢޫދީ ޢަރަބިއްޔާ - 8 ފެބްރުއަރީ 2008 (ހުކުރު): މަޖްމަޢުލް ފިޤްހިލް އިސްލާމީ އައްދައުލީ (އިންޓަނޭޝަނަލް އިސްލާމިކް ފިޤްހް އެކެޑެމީ)ގެ ރައީސް، ސުޢޫދީ ޢަރަބިއްޔާގެ ބޮޑެތި ދަންނަ ބޭކަލުންގެ މަޖިލިސްގެ މެންބަރު، އަދި ސުޢޫދީ ފަތަވާ ކޮމެޓީގެ ކުރީގެ މެންބަރު، ފަޟީލަތުއްޝައިޚް ބަކުރު ބުނި ޢަބްދުﷲ އަބޫ ޒައިދު، މި ފެބްރުއަރީ މަހުގެ 5 ވަނަދުވަހު އަވަހާރަވެއްޖެއެވެ.

ފަލަސްޠީނުގެ ޣައްޒާގައި ދިރިއުޅޭ މުސްލިމުންނަށް އިޒްރޭލުގެ ޔަހޫދީން ކުރިމަތިކޮށްގެން އުޅޭ ބިރުވެރި ކަމާއި އަނިޔާގެ ޙިޞާރުން އެމީހުން ސަލާމަތްކޮށްދެއްވުން އެދި ދުޢާ ކުރުމަށާއި، ﷲ ސުބްޙާނަހޫ ވަތަޢާލާގެ އަމުރުފުޅުތަކަށް ބޯލަނބައި، ރަސޫލުﷲ ޞައްލަﷲ ޢަލައިހި ވަސައްލަމްގެ ސުއްނަތަށް ތަބާވުމުގެ ގޮތުން، ކޮންމެ ފަރުޟު ނަމާދެއްގައި ޤުނޫތު ނާޒިލާ (މުސީބާތުގެ ވަގުތުގައި ކިޔާ ޤުނޫތު) ކިޔުމަށް މުޅި އިސްލާމީ އުއްމަތަށް، ފަލަސްޠީނުގެ ޢިލްމުވެރިން ގޮވާލައްވައިފިއެވެ.

އަފްޣާނިސްތާން: އިސްލާމްދީނާ ޚިލާފް ލިޔުންތަކެއް އިންޓަރނެޓުން ޑައުންލޯޑް ކޮށްގެން ގެންގުޅުނު ކަމުގެ ކުށުގައި އަފްޣާނިސްތާނުގެ ނޫސްވެރިޔަކު މެރުމަށް އެޤައުމުގެ ކޯޓަކުން ޙުކުމްކޮށްފިއެވެ. ސާޢިދު ޕަރްވީޒް ކަމްބަކްޝް ނަމަކަށް ކިޔާ 23 އަހަރުގެ މިމީހާ އަފްޣާން ފުލުހުން ހައްޔަރުކުރީ

ސ.ހިތަދޫ - 8 ޖެނުއަރީ 2008 (އަންގާރަ) : ފާޙިޝްކަންތައްތަކަށް ގޮވާލައި، އިސްލާމްދީނުގެ ޙުކުމްތައް މީސްތަކުންނަށް އޮޅުވާލުމަށް މިހާރަކަށް އައިސް ވަރަށް ފާޅުގައި ކުރެވެމުންދާ މަސައްކަތާމެދު ސަމާލުވެ ތިއްބެވުމަށް ދިވެހި ރައްޔިތުންނަށް ފަޟީލަތުއްޝައިޚް އިލްޔާސް ޙުސައިން ގޮވާލައްވައިފިއެވެ.

ޕާކިސްތާން- 3 ޖެނުއަރީ 2008 (ބުރާސްފަތި) : ޕާކިސްތާނުގެ އާންމު އިންތިޚާބު ފެބްރުއަރީމަހުގެ 18 ށް ފަސްކުރުމަށް އެޤައުމުގެ އިލެކްޝަންސް ކަމިޝަނުން ނިންމަވައިފިއެވެ. ކުރިން ހަމަޖެހިފައިވާ ތާރީޚަށްވުރެ ހަ ހަފްތާއަށް އިންތިޚާބު ފަސްކޮށްފައިވަނީ ކުރީގެ ބޮޑުވަޒީރެއް ކަމުގައިވާ ޕީޕަލްސް ޕާޓީގެ ޒަޢީމާ ބޭނަޒީރު ބުއްޓޫ އަވަހާރަކޮށްލުމާ ގުޅިގެންނެވެ.

މިނާ- 17 ޑިސެމްބަރު 2007 (ހޯމަ) : މިއަހަރުގެ ޙައްޖުގެ އަޅުކަން އަދާކުރުމަށް ދިވެހި ރާއްޖެއިން މައްކާއަށް ވަޑައިގެންނެވި ޙައްޖުވެރިން މިއަދު ހެނދުނުގެ ވަގުތެއްގައި މިނާއަށް ވަޑައިގެންފިއެވެ.

މައްކާ - 17 ޑިސެމްބަރު 2007 (އާދީއްތަ): 1428ވަނައަހަރުގެ ޙައްޖުގެ އަޅުކަން އަދާކުރުމަށް އިއްޔެ (ޑިސެމްބަރު 15 ) ގެ ނިޔަލަށް ސުޢޫދީ ޢަރަބިއްޔާ އަށް 1.6 މިލިއަނަށް ވުރެ ގިނަމީހުން އެތެރެވެފައި ވާކަމަށް ސުޢޫދީ ޓީވީ އިން މިއަދު ޚަބަރު ދީފިއެވެ.

(މަދީނާ) 15 ޑިސެމްބަރު 2007 (ހޮނިހިރު): މިއަހަރުގެ ޙައްޖުގެ އަޅުކަން އަދާކުރެއްވުމަށްޓަކައި މައްކާގައި މިވަގުތު ތިއްބެވި ދިވެހި ޙައްޖުވެރިން، ޙައްޖުގެ އަޅުކަން ފެށުމަށް ތައްޔާރުވަމުން އެބަ ގެންދަވައެވެ. މިގޮތުންމިމަހުގެ މި ޙައްޖުމަހުގެ 8ވަނަ ދުވަހު (ޑިސެމްބަރު 17 ވަނަ ދުވަހު) މިނާއަށް ދިޔުމަށްޓަކައި ވާންޖެހޭ ތައްޔާރީތައް ވަމުން އެބަ ގެންދަވައެވެ.

(މަދީނާ) 13 ޑިސެމްބަރު 2007 (ބުރާސްފަތި): ޙައްޖުގެ އަޅުކަން އަދާކުރެއްވުމަށް މިއަހަރު މައްކާއަށް ވަޑައިގެންނެވި ދިވެހި ޙައްޖުވެރިންނަށް އެހީތެރިވެވަޑައިގެންނެވުމަށް މަދީނާގެ އިސްލާމިކް ޔުނިވާސިޓީގައި ކިޔަވާ ދިވެހި ކިޔަވާ ކުދިންގެ ތެރެއިން 8 ބޭފުޅަކު ބުދަ ދުވަހުގެ ހެނދުނުގެ ވަގުތެއްގައި މައްކާއަށް ވަޑައިގަންނަވައިފިއެވެ.